gizonezkoen lehen nazionala / UHARTE 28 – EIBAR 32
Partida handia jokatu zen larunbat honetan Ugarrandian, mailako talderik onenetako baten aurka, Eibar, hirugarren sailkatuaren aurka. Lehen zatian, gure mutilek partida ona jokatu zuten, aurkariak planteatzen zigun defentsaren aurrean, eta golak lortu genituen. Defentsan, gehiago kostatu zitzaigun jokalariak gelditzea, batez ere pibotea eta lehen lerroak. Nahiz eta baloiak muturretara eraman, erasoak gauzatzeko gai izan ziren. Bigarren zatia jarrera bikainarekin hasi zen berriro, izan ere, partida berdindua izan zen 45. minutura arte baina gure mutilek ez zuten partidu amaiera ona egin azken minutuetan jarrera eta kontzentrazio faltagatik. Aurkaria horretarako prestatuago egon zen eta horrek aurkariak partida 4 golengatik eramatea eragin zuen. Nolabaiteko aho-zapore txarra, partida ona egin zelako azken minutuetan izan ezik. 4 partida geratzen dira liga amaitzeko, ahalik eta hobekien jokatzea espero dugu, eta ahalik eta goren bukatzea sailkapenean.
EMAKUMEZKOEN LEHEN NAZIONALA / UHARTE 23 – UDC TXANTREA 29
Gure taldearen azken partida Ugarrandian. Taldea erraz iristen zen gora baina ez zuen asmatzen ate aurrean. Defentsa ere ez zen ondo aritu lehen zatian, eta horrek aurkariek golak oso erraz lortzea ekarri zuen. Lehen zatia amaitzeko 10 minutu falta zirenean, defentsan aldaketa bat egin zen eta horrek trabatu egin zituen. Ondorioz, markagailua orekatu egin zen bigarren denborari begira. Bigarren zatian, taldea indartsuago atera zen, markagailua berdintzera iritsiz, baina ez zen intentsitate horri eusterik lortu; une erabakigarri batzuetan baloia izan zen markagailuari buelta emateko, baina huts egin zen eta gero ere ezin izan zen defendatu egoerak eskatzen zuen bezala. Txantreak intentsitate horri eusten jakin zuen eta eraman egin zuen. Partida tentsio handikoa izan zen, bi taldeentzat jokoan baitzegoen fase honetako lehen postua Baztango emaitzen ondoren. Gure taldea gorabeheratsua izan zen, une onak izan zituen, lehen zatiko azken 10 minutuak eta bigarren zatiko lehen minutuak, non irudi ona erakutsi zuen baina intentsitatea eta jarrera falta izan zitzaion beste batzuetan. Aste honetan taldeak Baztanen aurkako azken partida jokatuz amaituko du liga.
Esan beharra dago 250 pertsona baino gehiago bildu zirela Senior taldearen lehen denboraldiari agur esateko; Klubak doako zozketa bat prestatu zuen. Babesleen laguntza eskertzen dugu.
GIZONEZKOEN BIGARREN NAZIONALA / UHARTE 22 – ANAITASUNA 27
Joan den asteburuko aurkaria Anaitasuna izan zen, talde ezberdinekin emaitza positiboak lortzen ari den taldea. Gure taldeak ez zuen ondo jokatu, garaipena lor baitzezakeen. Balantza aurkarien alde jarri zen paseetan eta jaurtiketetan izandako akatsen ondorioz eta, batez ere, erasoz eraso hartutako erabaki okerrak izan zirela eta. Lehen minutuetan markagailuari eustea lortu zen, baina gure aurkaria gehiago sartu zen partidan eta aldea zabaldu zen markagailuan. Ezer ez zen ondo atera lehen zatian, ahazteko moduko zatia. Bigarren zatian gure taldea zuzentzen saiatu zen, baina ez zen lortu. Partida Anaitasunak eraman zuen aldeko 15 golengatik. Emaitzak ez du gure taldeak eskain dezakeen maila islatzen. Ez zuten beste egun batzuetan bezala jokatu, hala izan ezkero, garaipena lortzea posible izango zen. Bi partida falta dira jardunaldia amaitzeko.
JUBENIL NESKAK / UHARTE 20 – LAGUNAK 38
Azken emaitza gorabehera, taldea ez zen gaizki ibili jokoari dagokionez, nahiz eta erasoan jaurtiketa asko huts egin 6 metro oso argietan; harreran ere zehaztugabetasunak izan ziren. Eta defentsan taldea ondo aritu zen, laguntza asko egon ziren baina aurkariak oso ongi eraso egin zuen. Partida Lagunak eraman zuen poliki poliki.
JUBENIL NESKAK / UHARTE 27 – LOYOLA B 29
Partida hau joan den astelehenean jokatu zen eta indar handiarekin hasi zen lehenengo minutuetan 6-1eko markagailuarekin jarriz. Gero lehen zatiaren bukaera arte berdintzen joan zen aurkariek 3-9ko partziala eginez eta partidari buelta emanez (5 gol azpitik lehen zatiaren bukaeran). Bigarren zatian, lehen 10 minutuak berdinduak egon ziren baina hurrengo 20etan taldeak gora egin zuen 10-6ko partziala lortuz… Baina minutu batzuk falta izan zitzaizkigun berdindu edo irabazi ahal izateko. Partida berdindua egon zen, garaipena lortzeko borrokatu zen eta golak jokalarien artean banatu ziren. Goraipatzeko jokoa erasoan, ikusleentzat polita eta erakargarria izan zena. Aho zapore ona
