gizonezkoen lehen nazionala / BM ROMO 31 – UHARTE 27
Gure mutilek partida ona jokatu zuten Getxon BM Romo talde handi baten aurka, baina ez zen nahikoa izan puntuak lortzeko.
Taldeak oso kontzentratuta hasi zuen partida, bai erasoan, bai defentsan, baina pixkanaka Romok bere gain hartu zuen partida, eta gure mutilek inoiz aurpegia galdu ez zioten arren, Romo aurretik joan zen bigarren zati osoan zehar. Taldeak aldea murriztea lortu bazuen ere (1 edo 2 golera jarri zen), ez zen nahikoa izan, eta azken emaitza lau golekoa izan zen etxeko taldearentzat.
Nabarmentzekoa da partidan parte hartu zuten jokalari guztien jarduna, izan ere, baja batzuekin bidaiatu zen eta denek batu egin zuten partida on bat egiteko.
JUbENIL MUTILAK / BM BARDENAS 31 – UHARTE 25
Bardenasen aurkako atzeratutako partida, Tuteran.
Lehenengo zatia oso borrokatua. Bardenas abantaila hartzen hasi zen, baina defentsa on eta erasoan asmatzeari esker, uhartearrak 15-17 aldeko emaitzarekin joan ziren atsedenaldira.
Bigarren zatian gure jokalarien nekeak, bakarrik 3 aldaketa izateagatik, beren joko maila jaitsiarazi zuen, baloi galera eta eraso akats ugari eraginez, amaierako 31-25 emaitza izanda.
