gizonezkoen lehen nazionala / UHARTE 27 – EREINTZA 24
Uhartek etxean irabazi zuen ligako azken partida, zaleen aurrean. Partida zaila eta hunkigarria, agian horregatik hainbeste gorabehera izan ziren partidan zehar, bolada onak okerragoekin tartekatuz, eta horrek ekarri zuen markagailua talde baten eta bestearen mesedetan izatea etengabe. Taldea urduri samar hasi zen, jaurtiketa argietan huts dexente eginez, eta horrek aurkariak eraso on batekin (hobea izan zitekeen defentsa batekin batera) markagailuan aurretik jartzea ekarri zuen. Gure mutilek euren sendotasunari eutsi zioten eta lehen zatiaren amaieran markagailua irauli zuten, partzial handi batekin, lehen zatiaren ostean bi gol gora bukatuz. Bigarren zatia lehenengoa baino jarrera hobearekin hasi zen, abantaila 5 golera zabalduz, baina berehala taldearen bolada txar bat etorri zen, eta aurkariak oso ondo aprobetxatu zuen, partidari buelta eman eta aurretik jartzea lortu baitzuen. Taldeak ez zuen emaitza hori onartu, bere atzapar bereizgarria atera zuen eta behar zen kemena zelai gainean jarri zuen berriro, markagailuan aurretik jarri eta partida 3 gol goitik amaituz. Partida garrantzitsua, batez ere orain arte gure Klubekoak izan diren jokalari batzuk agurtzeagatik; denbora gutxiagorekin, goragoko kategorietan beste kirol-aukera batzuk izatea Iortu duten batzuk: Unai Galan, eta bestetik, Klubean urte asko daramatzaten eta erretiroa hartu duten hiru jokalari: Diego Pandilla, Mikel Etxeberria eta Saul Elizondo. Partida honen alde negatiboa Gorka Metaxasen lesioa izan zen, lesioaren iraupena ahalik eta gutxiena izatea eta lehenbailehen sendatzea espero dugu. Laburbilduz, eskerrak eman nahi dizkiegu CB Uharte utzi duten jokalari guztiei Klubean emandako urteengatik, eta zorionak eman denboraldi berri honengatik, Klubak sailkapen-taulako goiko postuetan amaituko baitu, eta espero dezagun fitxaketa berriekin (batez ere aurrerapauso hori eman behar duten gazte horiekin) ildo berari jarraitzea.
GIZONEZKOEN BIGARREN NAZIONALA / UHARTE 31 – BM BURLADA 26
CB Burlata taldearen bisita, ligako azken partida, eta bi taldeetako batek ere ez zuen ezer jokoan; beraz, motibazioa atera egin behar zen haien aurka jokatu beharreko azken partidatik, eta irabazi egin zezakeela erakutsi. Taldea oso motibatuta eta lehen minututik partida irabazteko gogoekin atera zen; taldeak defentsa oso ona egin zuen lehen zatian, non 10 gol bakarrik sartu zizguten; erasoa ere oso ondo egon zen, eta horrek lehen zatia 5 gol goitik amaitzea ekarri zuen. Bigarren zatia, Burlata partiduaren bila atera zen, eta apurka-apurka lekua hartzen joan zitzaigun, partida berdintzera ere iritsiz, baina taldeak indarra eta hasierako gogo horiek atera zituen eta berriro urrundu zen markagailuan. Merezitako garaipena eta agerian geratzen da txapeldunen talde honetako talderen bati irabazteko gai garela. Zorionak neska-mutilei egindako ahaleginagatik eta izan duten jarrera onagatik. Orain Gandiako torneoan pentsatzera.
KADETE MUTILAK A / CANTOLAGUA 34 – UHARTE 35
